أسئلة ترفع الضغط

مثلا :-


أنت الحين بغرفتك منسدح بفراشك ومطفي النور فجأة يخش عليك
أخوك أو أختك ويفتح الباب ويقولك : بتنام ؟!!
لا طبعا أبرقص - اكيد بنام
------
أنت لابس وكاشخ وقاعد تمشي بالبيت متجه للباب .. فجأة يشوفك واحد من اهلك
ويصرخ عليك ويقول بصوت عالي : (هااا بتطلع !! )

لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك:
هاا قاعد تدرس
لا افرش أسناني !! يعني ماسك الكتاب ايش أسوي أكيد ادرس
-----------
أنت الحين بالكافيه صدفة شفت واحد من الربع أو الأهل .. قالك:
هاا شتسوي هني !!
ابيع مويه>>> لا تعليق
--------------------
لا وتعالو شوفو قنواتنا العجيبه هما وأسئلتهم !!

مثلا بالعيد بيقابلون واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- شو تقول لأهلك بالعيد ؟ ! ! !

المواطن :- أقولهم كل عام وأنتم بخير . .

) لا بيقول لهم : منه المال ومنها العيال)

يعني السؤال تحفه والمذيع ومعد البرنامج أتحف على هالسؤال
------------------------
والأسخف من هالبديهيات اللي تضيع وقتنا إذا قابلو الاطفال , , ,

يقول المذيع للطفل :- أنت تحب ماما وبابا ! ! !

(( لا احبك أنت ووجهك)) سؤال في محله الصراحه !!

----------------
برنامج مسابقات على الهوا :-

المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زود الأتكيت يعني؟؟)
--------------------

يعني اسئله غبيه مثل هالاسئله ماشفت

يالله في أمان الله والله يحفظك من الأغبياء!



لحظة نسيت أسألك: قاعد تقرا الرسالة أحين؟؟

ج: لا قاعد أخيط نعالي!!